Langlauflager Davos 2006

Mir händ uf dä Homepage gseh

dä Walti gaht au no in Schnee

So simmer uf Davos cho

und händ äs Skating-Kürsli gno

Dä Langlauflehrer Urbani isch genial

zeigt eus alles hundert mal

Mit viel Witz, Humor er Unterricht git

öppä hämär gar begriffä sini Schritt

Bisch nöd nur mit äm Körper gforderet gsi

au für's Gmüat hät's öppis derbi

Vor äm Znacht no a d'Bar

äs Wyli, äs Bierli, das isch wunderbar

Jetzt wo so richtig uf dä "Schnurrä" bisch

dörfsch öppis feins Ässä am rundä Tisch

Vor äm Schlafä gönt diä eintä uf Gass

anderi schnörrlät und lachät, händ au ihrä Spass

Nöd vergässä dörfmär der Walti – d'Organisation isch perfäkt

im Hintergrund sicher au no d'Marianne steckt

Ich sägtär eis äs isch ä so

mir werdät sicher wieder cho

S. C.